Սպասվում է առանց տեղումների եղանակ․ Երևանում սպասվում է մառախուղ

Հայաստանի Հանրապետության տարածքում հունվարի 26-30-ին սպասվում է առանց տեղումների եղանակ։ Քամին` հարավարևմտյան` 2-5մ/վ: Այս մասին հայտնում է ՀՀ ՇՄՆ Հիդրոօդերևութաբանության և մոնիտորինգի կենտրոնը։

Հունվարի 26-ին Շիրակի դաշտի ցածրադիր հատվածներում, Արագածոտնի նախալեռներում, Արարատյան դաշտում, այդ թվում նաև Երևանում, սպասվում է մառախուղ։ Օդի ջերմաստիճանն էապես չի փոխվի: Այսօր առավոտյան ժամերին հանրապետության ավտոճանապարհներին սպասվում է մերկասառույց։ Երևանում հունվարի 26-ին սպասվում է առանց տեղումների եղանակ:

Օդի ջերմաստիճանը մայրաքաղաքում կլինի այսօր ցերեկը -1-ից -3, երեկոյան՝ -4-ից -6 աստիճան։