ՆԱՏՕ-ն 2026 թվականին Ուկրաինային կհատկացնի 70 միլիարդ եվրո

ՆԱՏՕ-ի անդամ երկրները 2026 թվականին Ուկրաինային կտրամադրեն 70 միլիարդ եվրո՝ ռազմական տեխնիկայի, օգնության և զինվորականների վերապատրաստման ծրագրերի համար։ Այս մասին նշված է Անկարայում կայացած ՆԱՏՕ-ի 36-րդ գագաթնաժողովի ավարտին ընդունված «Անկարայի հռչակագրում»։

Փաստաթղթում ընդգծվում է, որ դաշինքը շարունակելու է աջակցել Ուկրաինային նաև 2027 թվականին՝ առնվազն նույն ծավալով ֆինանսավորմամբ։

«2026 թվականի համար ՆԱՏՕ-ի երկրները պարտավորվում են 70 միլիարդ եվրո հատկացնել Ուկրաինայի համար ռազմական տեխնիկայի, օգնության և վերապատրաստման ծրագրերի համար և պահպանում են իրենց ինքնիշխան պարտավորությունները՝ աջակցելու առնվազն համարժեք մակարդակով 2027 թվականին»,- ասվում է հռչակագրում։

ՆԱՏՕ-ի առաջնորդները վերահաստատել են, որ շարունակելու են աջակցել Ուկրաինային՝ երկրի պաշտպանունակության ամրապնդման և անվտանգության ապահովման նպատակով։