Հեգսեթը չեղարկել է իր պաշտոնական այցը Իսրայել

ԱՄՆ պաշտպանության նախարար Փիթ Հեգսեթը չեղարկել է չորեքշաբթի նախատեսված իր առաջին այցը Իսրայել։ Այս մասին հայտնում է The Jerusalem Post-ը՝ հղում անելով իր աղբյուրին։

Թերթի տեղեկություններով՝ կարճատև այցի ընթացքում նախատեսված էին Հեգսեթի հանդիպումները Իսրայելի վարչապետ Բենիամին Նեթանյահուի և պաշտպանության նախարար Իսրայել Կացի հետ։

Ներկայումս Հեգսեթը ԱՄՆ նախագահ Դոնալդ Թրամփի հետ մասնակցում է Անկարայում անցկացվող ՆԱՏՕ-ի գագաթնաժողովին։ Իսրայել այցը նախատեսված էր այն պայմաններում, երբ ԱՄՆ-ն վերսկսել է հարվածները Իրանի ուղղությամբ։

Ավելի վաղ CNN-ը հայտնել էր, որ Հեգսեթը մտադիր էր Իսրայելում քննարկել նաև Թուրքիայի հնարավոր վերադարձը F-35 կործանիչների ծրագրին՝ փորձելով փարատել իսրայելական կողմի մտահոգությունները ԱՄՆ-ի կողմից Անկարային F-35 կործանիչներ վաճառելու հնարավորության վերաբերյալ։