Սիրիական բանակը պաշտոնապես հայտարարել է SDF-ի դեմ գործողությունների մասին

Սիրիական բանակը հայտարարել է Հալեպի Աշրաֆիե, Շեյխ Մաքսուդ և Բանի Զեյդ թաղամասերում գտնվող Սիրական դեմոկրատական ուժերի (SDF) դիրքերի դեմ թիրախային հարվածների մեկնարկի մասին՝ սկսած ժամը 13:30-ից: Այս տարածքներում հայտարարվել է պարետային ժամ։

Բանակը կոչ է արել քաղաքացիական բնակչությանը հեռու մնալ SDF-ի բոլոր դիրքերից։

Նշենք, որ հունվարի 6-ին Հալեպի կենտրոնում սկսված բախումների արդյունքում զոհվել է մեկ զինվոր և հինգ քաղաքացիական անձ, իսկ 31-ը՝ վիրավորվել։

Սիրիական բանակը նաև լրացուցիչ ուժեր է ուղարկել (այդ թվում՝ տասնյակ տանկեր և զրահափոխադրիչներ) Սիրիայի դեմոկրատական ​​ուժերի հետ շփման գծեր։

Բախումների պատճառով քաղաքի կենտրոնում գտնվող պաշտոնական հաստատությունները փակվել են, իսկ դպրոցներն ու համալսարանները դադարեցրել են դասընթացները։