Հարգելի՛ Պարոն Կարապետյան, եթե մտել ես մեծեր լիգա, արի բանավիճենք․ Ալեքսանյան

Սամվել Կարապետյանի թիմակիցները փորձում են ներկայացնել, որ իրենք շատ ուժեղ մարդիկ են, ուժեղ առաջնորդներ են, մենք էլ թույլ ենք: Այս մասին տեսանյութում ասել է «ՔՊ» պատգամավոր Վահագն Ալեքսանյանը։ 

 «Հիշեցնեմ, սա այն նույն Տաշիր Սամվելի, Սամվել Կարապետյանի մասին է խոսքը, որը 44 օրյա պատերազմի օրերին Ռուսաստանում անգամ դուխ չարեց պաշտպանել Հայաստանին, պաշտպանել Ղարաբաղին՝ հայտարարությունով ընդամենը, այլ դրա փոխարեն ընդամենը կողմերին կոչ անող ինչ-որ տեքստ եղեց, որտեղ հավասարության նշան էր դրված Հայաստանի, Ղարաբաղի ու Ադրբեջանի միջև: Ինչևէ այս նույն մարդու թիմակիցները այսօր փորձում են ներկայացնել, թե իրենք շատ ուժեղ են, իսկ մենք թույլ ու դա ապացուցելու համար վերջերս նաև նրա եղբորորդին, հարգարժան Նարեկ Կարապետյանը գրեթե միայնակ մտել էր մի սենյակ, որտեղ փակցված էին միանգամից վեց յոթ ՔՊ-ականի նկարներ ու հերոսաբար էդ վեց-յոթ նկարների հետ բանավեճում հաղթող դուրս եկավ շատ ուժեղ ու տենց հաղթանակած հեռացավ»,- ասել է նա։ 


Պատգամավորը հավելել է․ «Նարեկ ջան, հարգելի Պարոն Կարապետյան, եթե մտել ես մեծեր լիգա, արի բանավիճենք: Քաղաքականության մեջ նկարների հետ բանավիճելով ուժը կամ կարողությունը ցույց տալ չես կարող: Արի ինձ հետ բանավեճի: Ես ու դու»