Ավանեսյանը՝ առողջության համընդհանուր ապահովագրության համակարգի այցերի մանրամասներից

Առողջության համընդհանուր ապահովագրության համակարգով այսօր` ժամը 14:00-ի դրությամբ, արդեն գրանցվել է 11651 այց: Այդ մասին ասված է առողջապահության նախարար Անահիտ Ավանեսյանի Ֆեյսբուքի էջում:

«Այցելեցի բուժառուներից մեկին, որին բուժօգնություն է տրամադրվել համընդհանուր ապահովագրության շրջանակում, կատարվել է երկխոռոչանի սրտի ռիթմավար սարքի տեղադրում` 1 մլն 600 հազար դրամ արժողությամբ»,- նշված է գրառման մեջ:

Ավելի վաղ ԱՆ նախարարի խոսնակը մանրամասնել էր հունվարի 1-ից գործարկված առողջության ապահովագրության համակարգի մասին։