ՏԵՍԱՆՅՈՒԹ․ ՀՀ-ում Իրանի դեսպանը՝ Գագիկ Ծառուկյանի կալանավորման մասին

Ինչպես հայտնի է, «Բարգավաճ Հայաստան» կուսակցության առաջնորդ Գագիկ Ծառուկյանը երկու ամսով կալանավորվել է՝ առանձնապես խոշոր չափերով խարդախություն և փողերի լվացում կատարելու մեղադրանքով: Ասուլիսի ժամանակ անդրադառնալով Ծառուկյանի շուրջ տեղի ունեցող զարգացումների մասին հարցին՝ ՀՀ-ում Իրանի դեսպանն ասել է. 

«Ինչ վերաբերում է ՀՀ ներքաղաքական հարցերին, մենք չենք միջամտում ու ցանկություն չունենք միջամտելու: ՀՀ-ում տեղի ունեցան ԱԺ ընտրություններ, արդյունքները հրապարակվեցին, մենք էլ մեր կողմից մեր շնորհավորանքը հղեցինք իշխող կուսակցությանը:

Մաղթում ենք, որ ՀՀ բոլոր ուժերը՝ թե իշխող, թե ընդդիմադիր, կարողանան միասնական լինել ազգային գաղափարների շուրջ: Եթե չլինի այս միասնականությունը, հնարավոր չեն զարգացման հետագա ճանապարհները»,- ասել է  ՀՀ-ում Իրանի դեսպանը։

Ավելին՝ տեսանյութում։