Թուրքիայի F-35 կործանիչների ծրագիրը կարևոր է ՆԱՏՕ-ի անվտանգության համար. Էրդողան
Թուրքիայի նախագահ Ռեջեփ Թայիփ Էրդողանը հայտարարել է, որ ԱՄՆ-ի գլխավորած F-35 կործանիչների ծրագրին Թուրքիայի վերամիավորումը կամրապնդի հարաբերությունները Վաշինգտոնի հետ և կբարձրացնի ՆԱՏՕ-ի անվտանգությունը։ Թուրքիայի նախագահն այս հայտարարությունն արել է Bloomberg-ին տված հարցազրույցում։
Էրդողանը ընդգծել է, որ ԱՄՆ նախագահ Դոնալդ Թրամփի հետ իր հարաբերություններն օգտագործելով՝ փորձում է վերականգնել գրեթե տասը տարի առաջ լարված կապերը Թուրքիայի կողմից ռուսական ՀՕՊ համակարգերի գնման պատճառով։
Հրապարակման համաձայն՝ Անկարայի և Վաշինգտոնի քաղաքական առաջնահերթությունների, այդ թվում՝ պաշտպանության, էներգետիկայի և տարածաշրջանային հակամարտությունների մերձեցումը վերաձևավորում է Թուրքիայի ՆԱՏՕ-ին անդամակցությունը Ռուսաստանի հետ հավասարակշռելու քաղաքականությունը, որը նրա հիմնական առևտրային գործընկերներից մեկն է։
