Զելենսկին զրույց է Ուիթքոֆի հետ․ Զապորոժյեի ատոմակայանի հարցերը մնում է չլուծված
Ուկրաինայի նախագահ Վլադիմիր Զելենսկին հեռախոսազրույց է ունեցել ԱՄՆ նախագահ Դոնալդ Թրամփի հատուկ դեսպանորդ Սթիվ Ուիթքոֆի հետ։ Այս մասին X սոցիալական ցանցում հայտարարել է Ուկրաինայի բանակցային թիմի ղեկավար Ռուսլան Ումերովը։
Նրա խոսքով՝ ուկրաինական բանակցային թիմը Ուկրաինա մեկնելու ճանապարհին զրուցել է Սթիվ Ուիթքոֆի հետ, և Զելենսկին միացել է զրույցին։
«Հիմնական հարցը հետագա շփումների և քայլերի համակարգումն է։ Աշխատանքը ինտենսիվ և բովանդակալից է. մենք գրեթե ամեն օր շարունակում ենք խորհրդակցել և աշխատել փաստաթղթային կետերի շուրջ», - նշել է Ումերովը։
Նա նաև հավելել է, որ Ուկրաինան «մշտական կապ է պահպանում եվրոպական ազգային անվտանգության խորհրդականների հետ»։ Ուկրաինացի բանակցողները համաձայնության են եկել առաջիկայում հետագա հանդիպումների վերաբերյալ։
Դեկտեմբերի 28-ին ԱՄՆ նախագահ Դոնալդ Թրամփը հեռախոսազրույց է ունեցել Ռուսաստանի նախագահ Վլադիմիր Պուտինի հետ և հանդիպել Վլադիմիր Զելենսկիի հետ Ֆլորիդայում՝ քննարկելու ուկրաինական հակամարտության կարգավորումը։ Ի վերջո, ամերիկացի առաջնորդը գոհ է եղել երկու զրույցներից էլ։ Ավելին, դեկտեմբերի 29-ին Պուտինը և Թրամփը ևս մեկ հեռախոսազրույց են ունեցել։ Սպիտակ տան մամուլի ծառայությունը այն անվանել է «դրական»։
Զելենսկիի խոսքով՝ տարածքին և Զապորոժյեի ատոմակայանի շահագործմանը վերաբերող ամենավիճահարույց հարցերը մնում են չլուծված։
