Հայաստանից Ադրբեջան, ոչ միայն ներմուծում է հնարավոր, այլև՝ արտահանում․ Պապոյան

Հնարավոր է Հայաստանից Ադրբեջան արտահանում։ Այս մասին այսօր լրագրողների հետ զրույցում ասաց էկոնոմիկայի նախարար Գևորգ Պապոյանը։

«Ոչ միայն ներմուծում է հնարավոր, այլև արտահանում, սպասեք՝ ամեն ինչ էլ հնարավոր է։ Բավականին մրցունակ գին ենք ստացել վրացական երկաթուղուց, այնպես որ հնարավորությունները շատ են։ Կարծում եմ՝ շուտով, վրացական, ադրբեջանական կողմը հերթական հաջող գործարքի մասին կհայտարարեն, մենք էլ կհաստատենք»,- ասել է նախարարը։

Հարցին՝ ինչ կարող է առաջարկել Հայաստանն Ադրբեջանին, Պապոյանը պատասխանել է.

«Կա ապրանքների ցանկ՝ ալյումին, կենդանիներ, միրգ բանջարեղեն, որոշ տեսակի խմիչքներ, տարբեր տեսակի տեքստիլ արտադրանք, այսինքն աշխատանք կա տարվող, հիմա այս քննարկումների մեջ են»։