Հարյուրավոր ինքնակամ շինություններ մի օրում հողին ենք հավասարեցրել. Տիգրան Ավինյան

Երևան քաղաքում ամեն օր տասնյակներով փորձեր են կատարվում իրականացնել ինքնակամ շինություններ և շատ դեպքերում այդ արձանագրումները Երևանի քաղաքապետարանը իրականացնում է, պատասխանատվության է ենթարկում, իսկ նոր ՏԻՄ օրենքով առհասարակ քանդման պահանջ է կարողանալու ներկայացնել բոլոր գործընկերներին: Այս մասին ասել է Երևանի քաղաքապետ Տիգրան Ավինյանը այսօր հավիրված ասուլիսին: 

«Երևան քաղաքում այս ծավալի աշխատանք ինքնակամ շինությունների դեմ պայքարի տեսանկյունից վերջին մի քանի տասնամյակում չէր իրականացվել: Ինչ վերաբերում է արդեն օրենսդրական կարգավորումներին, էն հատվածներում, նույնիսկ որտեղ իրավական տեսանկյունից մենք էս պահի դրությամբ քանդելու կամ խոչընդոտելու մեծ հնարավորություն չունեինք, բացի արձանագրելուց և տուգանելուց, մենք ունենալու ենք այդ հնարավորություն ՏԻՄ նոր փաթեթով, որով որ մենք պահանջ ենք ներկայացնելու քանդման ինքնակամ շինության կամ ինքնակամ բացվածքի կամ որևէ մի բանի, որը իրականացվել է ինքնակամ ձևով և չիրականացնելու դեպքում տնտեսվարողը կամ ֆիզանձը շատ մեծ տուգանքների է ենթարկվելու»,- ասել է Ավինյանը: 


Մանրամասները՝ տեսանյութում: