Ուկրաինայի պատերազմը կարող է ավարտվել 2026-ին՝ անբարենպաստ պայմաններով. Politico
Ուկրաինայում շարունակվող պատերազմը կարող է ավարտվել 2026 թվականին այնպիսի պայմաններով, որոնք չափազանց անբարենպաստ կլինեն Ուկրաինայի համար։ Այս մասին գրում է Politico պարբերականը՝ ներկայացնելով իր վերլուծական կանխատեսումը։
Ըստ հրապարակման՝ նման սցենարի հիմնական պատճառներից մեկն այն է, որ Եվրամիությանը չի հաջողվել համաձայնության գալ Ուկրաինային աջակցելու նպատակով Ռուսաստանի շուրջ 210 միլիարդ եվրո արժողությամբ սառեցված ակտիվների օգտագործման հարցում։
Politico-ն նշում է, որ այսպես կոչված «ռեպարացիոն վարկի» առաջարկի տապալումը, որը նախատեսում էր սառեցված ռուսական ակտիվների ներգրավում, Ուկրաինային զրկում է առաջիկա երկու տարիների համար երաշխավորված ֆինանսավորումից։
Պարբերականի գնահատմամբ՝ ֆինանսական անորոշությունն ու եվրոպական միասնական դիրքորոշման բացակայությունը կարող են լրջորեն ազդել Ուկրաինայի բանակցային հնարավորությունների վրա և ուժեղացնել նրա խոցելիությունը հնարավոր խաղաղ համաձայնագրի շրջանակում։
