Ներկայումս բանակցություններ են ընթանում, որոնք կարող են արմատապես փոխել իրավիճակը․ Զելենսկի

Ներկայումս բանակցություններ են ընթանում, որոնք կարող են արմատապես փոխել իրավիճակը։ Այս մասին ասել է Զելենսկին։

Նա քննարկել է Ուկրաինայի դիմադրողականությանը աջակցելու և նրա բանակցային դիրքի ամրապնդման հարցերը Եվրոպական հանձնաժողովի նախագահ Ուրսուլա ֆոն դեր Լեյենի հետ՝ համաձայնվելով հետագա շփումների մասին։

«Մենք քննարկեցինք Ուկրաինայի դիմադրողականությանը աջակցելու և բանակցությունների սեղանի շուրջ մեր դիրքի ամրապնդման կարևորությունը։ Մենք կանենք ամեն ինչ՝ դա ապահովելու համար։ Մենք նաև համաձայնեցինք շարունակել մեր շփումները առաջիկա օրերին։ Չնայած ամբողջ աշխարհն արդեն սպասում է Սուրբ Ծննդյանը, մենք շարունակում ենք աշխատել մեր ընդհանուր նպատակի՝ խաղաղության հասնելու և անվտանգության ապահովման ուղղությամբ», - գրել է Ուկրաինայի առաջնորդը սոցիալական ցանցերում։