Մերցը լուրջ խնդիրների է բախվում Ռուսաստանի հետ. ԶԼՄ
Գերմանիայի կանցլեր Ֆրիդրիխ Մերցը քննադատության ալիքի և վարկանիշի կտրուկ անկման է բախվել արտաքին քաղաքականության մի շարք ձախողումների, այդ թվում՝ Ռուսաստան-Ուկրաինա հակամարտության պատճառով, գրում է Berliner Zeitung-ը։
«Նախընտրական քարոզարշավի ժամանակ Մերցը շեշտը դրել է պարզության, տնտեսական կոմպետենտության և կարգուկանոնի վրա։ Սակայն որպես կանցլեր այս խոստումները դատարկ են հնչում։ Սառեցված ռուսական միլիարդների շուրջ բանակցությունների ձախողումը, Մերկոսուրի համաձայնագրի վերջին հետաձգումը և ներքին կուսակցական պարտությունները դեկտեմբերին ձախողումների շարք են կազմում»,- նշվում է հոդվածում։
Հրապարակումը նշում է, որ հանրային դժգոհությունը բխում է Գերմանիայի կանցլերի «նեղամտությունից» և արտաքին քաղաքականության հարցերում նրա անկարողությունից։
