«Թրամփի ուղի» նախաձեռնությանը Ռուսաստանի հնարավոր մասնակցության վերաբերյալ քննարկում չկա. Ռուբինյան

«Թրամփի ուղի» նախաձեռնությանը Ռուսաստանի հնարավոր մասնակցության վերաբերյալ քննարկում չկա: Այս մասին լրագրողների հետ զրույցում ասաց ԱԺ փոխխոսնակ Ռուբեն Ռուբինյանը՝ անդրադառնալով ռուսական կողմից հնչող հայտարարություններին, որ մասնակցության վերաբերյալ պատրաստ են խորհրդակցել Երևանի հետ։

«Ուրախ ենք, որ պատրաստ են քննարկում ունենալ, բայց ինչի՞ն, ի՞նչ քննարկում, նման քննարկումներ չկան»,-ասաց նա։

Իսկ թե հավանական համարո՞ւմ է ռուսական ընկերության մասնակցությունը՝ արձագանքեց. «Ես հիպոթետիկ հարցերին չեմ պատասխանում»։