ԵՄ անդամ երկրների ներկայացուցիչները վերահաստատել են իրենց աջակցությունը Հայաստանի կայունությանը և տարածաշրջանում խաղաղության գործընթացին
ԵՄ անդամ երկրների արտաքին գործերի նախարարները բարձր են գնահատել Ադրբեջանի հետ խաղաղության գործընթացում արձանագրված առաջընթացը, ինչպես նաև Հայաստանի կառավարության կողմից իրականացվող բարեփոխումները։ Այս մասին հայտնել է ԵՄ-ում Չեխիայի մշտական ներկայացուցչությունը «X»-ի միկրոբլոգում։
Նշվում է, որ ԵՄ երկրները պատրաստակամություն են հայտնել աջակցելու Հայաստանի կարողությունների ամրապնդմանը՝ հիբրիդային և կիբեռ սպառնալիքներին, ինչպես նաև ապատեղեկատվության տարածմանը հակազդելու ուղղությամբ։
«Ռուսաստանը կփորձի ազդել առաջիկա խորհրդարանական ընտրությունների վրա»,- նշված է ԵՄ-ում Չեխիայի մշտական ներկայացուցչության հաղորդագրության մեջ։
ԵՄ անդամ երկրների ներկայացուցիչները նաև վերահաստատել են իրենց աջակցությունը Հայաստանի կայունությանը և տարածաշրջանում խաղաղության գործընթացին։
