Ռուսաստանը նման գործընթացների չի մասնակցի․ Պեսկով
Ռուսաստանը չի ցանկանում հրադադար, որը կդադարեցնի Ուկրաինայում մարտական գործողությունները։ APA-ի փոխանցմամբ՝ այս մասին հայտարարել է Կրեմլի պաշտոնական ներկայացուցիչ Դմիտրի Պեսկովը՝ մեկնաբանելով Ուկրաինայում «Սուրբծննդյան հրադադարի» գաղափարը։
Նրա խոսքով՝ Մոսկվայի նպատակը երկարատև խաղաղության հասնելն է։ Կրեմլի խոսնակը նշել է, որ Ռուսաստանը ցանկանում է դադարեցնել պատերազմը և ապահովել խաղաղության երաշխիքներ։
Պեսկովը նաև հայտարարել է, որ Ռուսաստանը պատրաստ չէ մասնակցել այն գործընթացին, որի շրջանակում կարճաժամկետ որոշումները կփոխարինվեն համաձայնագրերով։
