Երևանի հանրային տրանսպորտում ուժեղացված ստուգայցերը շարունակվում են

Քաղաքապետարանից տեղեկացնում են, որ Երևանի քաղաքապետարանի հասարակական կարգի պահպանության ծառայության աշխատակիցները շարունակում են ստուգայցեր անցկացնել հանրային տրանսպորտում։

Նշվում է, որ օգոստոսի 19-ից մինչև դեկտեմբերի 15-ը հանրային տրանսպորտում ուղեվարձը չվճարելու դեպքերի վերաբերյալ կազմվել է շուրջ 1370 արձանագրություն։

Հիշեցնենք՝ ավելի վաղ հայտնել էինք, ըստ օրինագծի ինչ վարչական տույժեր կսահմանվեն

3.000 դրամ - տրանսպորտ նստելուց հետո տոմսը կամ կրիչը չվավերացնելու դեպքում։

10.000 դրամ - չվճարելով օգտվելու դեպքում։

15.000 դրամ - այլ անձի համար նախատեսված արտոնությունն օգտագործելով վճարելու դեպքում։