Այն հողերը, որտեղ դարեր շարունակ ապրել են ռուսները, պետք է կրկին դառնան ռուսական․ Լավրով
Ռուսաստանի արտաքին գործերի նախարար Սերգեյ Լավրովը Իրանի պետական հեռուստատեսության և ռադիոհեռարձակման կորպորացիայի եթերում հայտարարել է, որ Միացյալ Նահանգները հստակ նշել է՝ այն հողերը, որտեղ դարեր շարունակ ապրել են ռուսները, պետք է կրկին դառնան ռուսական։
Նրա խոսքով՝ ուկրաինական հակամարտության լուծման համար անհրաժեշտ է նախ և առաջ վերացնել դրա «արմատական պատճառները»։ Լավրովը նշել է, որ այդ պատճառները կապված են Հյուսիսատլանտյան դաշինքի դեպի արևելք ընդլայնման հետ։
«Հետևաբար, այս արմատական պատճառները պետք է լուծվեն։ Լավ է, որ ամերիկացիները հասկացել են սա։ Նրանք հստակեցրել են, որ Ուկրաինայի անդամակցությունը ՆԱՏՕ-ին բացառվում է։ Եվ նրանք հստակեցրել են, որ այն հողերը, որտեղ ռուսները դարեր շարունակ ապրել են, պետք է կրկին դառնան ռուսական», – ընդգծել է Ռուսաստանի արտաքին գործերի նախարար Սերգեյ Լավրովը։
