Ուկրաինայի տարածքային զիջումների հարցը պետք է ԱՄՆ-ի և Ռուսաստանի հետ քննարկվի․ Լեհաստանի նախագահ
Ուկրաինայի հնարավոր տարածքային զիջումների հարցը կարող է քննարկվել միայն Ռուսաստանի, ԱՄՆ-ի և Ուկրաինայի միջև։ Այդ մասին հայտարարել է Լեհաստանի նախագահ Կարոլ Նավրոցկին, գրում է «Ռիա Նովոստի»-ն։
Նրա խոսքով՝ տարածքային հարցերը դուրս են այլ երկրների մասնակցության շրջանակից և պետք է լուծվեն բացառապես երեք կողմերի միջև։
«Նման քննարկումները պահանջում են անմիջական երկխոսություն այն պետությունների միջև, որոնք ուղղակիորեն ներգրավված են հակամարտությունում»,- ընդգծել է Նավրոցկին։
Միևնույն ժամանակ, Լեհաստանի նախագահը հայտարարել է, որ ցանկանում է Ռուսաստանի, ԱՄՆ-ի և Կիևի ներկայացուցիչների հետ մասնակցել Ուկրաինայի խաղաղության ծրագրի հետ կապված քննարկումներին:
