Օսլյանկայում անհետ կորած զբոսաշրջիկների որոնումը շարունակվում է
Պերմի երկրամասի Օսլյանկա լեռան վրա կորած զբոսաշրջիկների հետքերի վերաբերյալ որևէ տվյալ չկա, ինչպես նաև չի հաջողվել պարզել նրանց գտնվելու վայրը կամ հեռախոսների ազդանշանները։ Այդ մասին РИА Новости-ին հայտնել են երկրամասի դատախազությունից։
«Որոնողական աշխատանքները շարունակվում են։ Զբոսաշրջիկների հետքերի կամ հեռախոսների ազդանշանների միջոցով նրանց գտնվելու վայրը պարզելու վերաբերյալ որևէ տեղեկություն չկա»,- հայտնել են գերատեսչությունից։
Հիշեցնենք` երեկ Պերմի մարզում դեկտեմբերի 13-ին Օսլյանկա լեռը բարձրանալու փորձի ժամանակ անհետացել է ձնագնացների մի խումբ։ Նրանց թվում էին ինչպես պրոֆեսիոնալ, այնպես էլ սիրողական սպորտային զբոսաշրջիկներ։ Ճանապարհին նրանք բախվել են ուժեղ ձնաբքի։ 15 մարդուց միայն երկուսն են վերադարձել զբոսաշրջային բազա։ Որոշ տեղեկությունների համաձայն՝ անհետ կորած անձինք, հնարավոր է, ժամանակավոր ճամբար են կառուցել՝ փոթորիկը սպասելու համար։
