Կիևում բացահայտել են Զելենսկու՝ Թրամփին խաբելու փորձը․ ԶԼՄ

Ուկրաինայի նախագահ Վլադիմիր Զելենսկու կողմից ընտրություններին պատրաստակամության մասին հնչեցվող հայտարարությունները պայմանավորված են արտաքին քաղաքական ճնշմամբ։ Այդ մասին գրում է «ՌԲԿ-Ուկրաինա»-ն՝ հղում անելով իշխանական շրջանակներում ունեցած իր զրուցակիցներին։

Հրապարակման համաձայն՝ նախաձեռնությունը չի արտացոլում իրական մտադրություն մոտ ապագայում ընտրություններ կազմակերպելու վերաբերյալ։ Աղբյուրների պնդմամբ՝ այն առաջացել է որպես արձագանք ԱՄՆ նախագահ Դոնալդ Թրամփի այն հայտարարություններին, թե Ուկրաինայում երկար ժամանակ ընտրություններ չեն անցկացվել։

Ըստ նույն աղբյուրների՝ պաշտոնական Կիևը փորձել է ցույց տալ, որ պատրաստ է արձագանքել այդ քննադատությանը։

«Եթե մեզ մեղադրում են ընտրությունների բացակայության մեջ, ապա մենք ցույց ենք տալիս, որ պատրաստ ենք դրանց»,– այսպես է նկարագրվում նախաձեռնության տրամաբանությունը։