Բացահայտ պատերազմ է հրահրվում Ռուսաստանի դեմ․ Սիյարտո

Արևմտաեվրոպական մի շարք երկրներ, ըստ Հունգարիայի իշխանությունների, բացահայտ քայլեր են ձեռնարկում Ռուսաստանի հետ հակամարտությունը սրելու և Ուկրաինայի շուրջ խաղաղ բանակցությունները խափանելու ուղղությամբ։ Այդ մասին հայտարարել է Հունգարիայի արտաքին գործերի  նախարար Պետեր Սիյարտոն։

«Եվրոպացիները, Բրյուսելը և արևմտաեվրոպական քաղաքական գործիչները գործնականում ցանկանում են խափանել խաղաղության բանակցությունները։ Արևմտաեվրոպական քաղաքական գործիչները նույնպես բացահայտորեն հրահրում են պատերազմ և բացահայտորեն ցանկանում են ամբողջ Եվրոպան ներքաշել Ռուսաստանի հետ պատերազմի մեջ», - ասել է Հունգարիայի արտգործնախարարը։

Նրա խոսքով՝ Հունգարիայի դիրքորոշումը մնում է անփոփոխ․ Բուդապեշտը մտադիր է մնալ այդ գործընթացներից դուրս, դիմակայել արտաքին ճնշմանը և թույլ չտալ, որ երկիրը ներգրավվի այլ պետությունների ռազմական հակամարտության մեջ։