1 անձ կալանավորվել է զինծառայողի մահվան դեպքի առթիվ. ՔԿ
2025 թվականի դեկտեմբերի 12-ին զինծառայողի մահվան դեպքի առթիվ նախաձեռնված քրեական վարույթի նախաքննության ընթացքում 1 անձի նկատմամբ հարուցվել է հանրային քրեական հետապնդում՝ Քրեական օրենսգրքի 522-րդ հոդվածի 2-րդ մասի 3-րդ կետով (զինծառայողին անզգուշությամբ ինքնասպանության հասցնելը):
Վերջինիս նկատմամբ որպես խափանման միջոց կիրառվել է կալանքը: Այս մասին հայտնում են ՀՀ քննչական կոմիտեից:
Ավելի վաղ հայտնել էինք, որ հայտնաբերվել է զինծառայողի դի՝ հրազենային վնասվածքով:
«Ըստ նախնական տվյալների՝ զինծառայողն իրեն ամրակցված զենքով կրակոց է արձակել գլխի շրջանում, ինչի հետևանքով մահացել է»,- նշել է քննչական կոմիտեի մամուլի խոսնակ Կիմա Ավդալյանը։:
