Բաթումի–Ստամբուլ բոլոր չվերթները չեղարկվել են

Այսօր՝ դեկտեմբերի 13-ին, չեղարկվել են Բաթումիի օդանավակայանից դեպի Ստամբուլ նախատեսված բոլոր չվերթները։ Այս մասին հայտնում է «Գրուզիա-Օնլայն»-ը։

Տեղեկատվության համաձայն՝ Ստամբուլ ուղևորություն իրականացնելու համար նախատեսված է եղել երեք չվերթ՝ երկու՝ Turkish Airlines-ի և մեկ՝ Pegasus Airlines-ի կողմից։ Բաթումիի օդանավակայանից հայտնել են, որ վատ եղանակային պայմանների պատճառով չվերթները չեն իրականացվել, իսկ դրանց վերականգնման ժամկետները դեռևս հայտնի չեն։

Միևնույն ժամանակ նշվում է, որ այսօրվա համար Բաթումիի օդանավակայանից դեպի Մոսկվա, Թել Ավիվ և Սոչի նախատեսված է ևս հինգ չվերթ։ Օդանավակայանի տվյալներով՝ տվյալ ուղղություններով չվերթները առայժմ չեն չեղարկվել։