Նիկոլ Վովաևիչ, ե՞րբ գանք․ Հայկական ԱԷԿ-ը մեր հպարտությունն է. «Ռոսատոմ»-ի ղեկավար
«Ռոսատոմ» պետական կորպորացիայի ղեկավար Ալեքսեյ Լիխաչովը հայտարարել է, որ Հայկական ատոմային էլեկտրակայանը խորհրդային ժամանակաշրջանի ամենահաջողված միջուկային նախագծերից է և շարունակում է արդյունավետ գործել մինչ օրս։
Ռուսաստանի վարչապետ Միխայիլ Միշուստինը և պաշտոնական պատվիրակությունների ղեկավարները, որոնք մասնակցել են գիտության և տեխնոլոգիաների ոլորտում համագործակցության հարցերով միջազգային համաժողովին, այսօր ծանոթացել են Մոսկվայի ՎԴՆԽ-ի «Ատոմ» թանգարանի ցուցանմուշին։
Մասնավորապես, Լիխաչովը հիշեցրել է Հայկական ԱԷԿ-ի պատմությունը ВВЭР-440 սեյսմակայուն ռեակտորների տիպի հենքի վրա, որը փրկվել է 1988թ. Սպիտակի երկրաշարժից և կանգնեցվել։ Սակայն հետագայում երկրորդ էներգաբլոկը վերականգնվել և վերագործարկվել է։
«Այն պարզապես մեր հպարտությունն է։ Այն Խորհրդային Միության լավագույն միջուկային նախագիծն է, որը մինչ այժմ գործում է»,- ասել է Լիխաչովը։
Նա հավելել է, որ ԱԷԿ-ի գործող բլոկի շահագործման ժամկետը երկարաձգվել է մինչև 2026 թվականը։ Հայաստանի կառավարությունը որոշում է ընդունել սկսելու Հայկական ԱԷԿ-ի շահագործման երկարաձգման գործընթացը մինչև 2036 թվականը։
«Գործնականում յուրաքանչյուր եռամսյակ ես անհանգստացնում եմ Նիկոլ Վովաևիչին (ՀՀ վարչապետ Փաշինյանին) և ասում. «Նիկոլ Վովաևիչ, ե՞րբ գանք։ Մենք պատրաստ ենք ամեն ինչ լուծել»,- հավելել է Լիխաչովը։
