Ալեքսանդր Կոչուբաևի խափանման միջոցը վերացվեց․ փաստաբան
Փաստաբան Ալեքսանդր Կոչուբաևի խափանման միջոց՝ բացակայելու արգելքը վերացվեց։ Այս մասին հայտնում է փաստաբան Էրիկ Ալեքսանյանը։
«Վերջինիս նկատմամբ որեւէ տեսակի խափանման միջոց ընտդված չէ»,- հայտնում է փաստաբանը։
Հիշեցնենք՝ փաստաբան Ալեքսանդր Կոչուբաևը ձերբակակվել է հոկտեմբերի 16-ին՝ Երևանի ընդհանուր իրավասության քրեական դատարանի «Շենգավիթ» նստավայրի մոտից՝ Բագրատ Սրբազանի և մյուսների գործով դատական նիստից հետո։ Փաստաբանի ձերբակալության պատճառը եղել է նրա ֆեյսբուքյան գրառումը, որում փաստաբանը կոշտ քննադատել էր իրավապահներին՝ Մկրտիչ Սրբազանի կալանավորման համար։ Կոչուբաևի նկատմամբ քրեական հետապնդում էր հարուցվել՝ Քրեական օրենսգրքի 490-րդ հոդվածի 2-րդ մասով (դատավորի, դատախազի, քննիչի մասին արատավորող, նշված անձանց իրավունքներին ու օրինական շահերին այլ վնաս պատճառող տեղեկություն հրապարակելը՝ կապված նշված անձանց օրինական ծառայողական կամ մասնագիտական գործունեության հետ):
Հավելենք՝ Երևանի ընդհանուր իրավասության քրեական դատարանը՝ դատավոր Մասիս Մելքոնյանի նախագահությամբ, հոկտեմբերի 17-ին հրապարակել էր Կոչուբաևին երկու ամսով կալանավորելու որոշումը։ Փաստաբանի խափանման միջոցը փոխվել է հոկտեմբերի 28-ին։
