Զելենսկին հայտարարություն է արել Երմակի հրաժարականի վերաբերյալ
Ուկրաինայի նախագահ Վլադիմիր Զելենսկին հայտարարել է, որ շարունակում է քննարկել իր գրասենյակի ղեկավարի պաշտոնի հնարավոր թեկնածուներին՝ ընդգծելով, որ չի բացառվում, որ պաշտոնը որոշ ժամանակ կարող է մնալ թափուր։ Նրա խոսքերն է մեջբերում Strana.ua-ն։
«Ամեն դեպքում, ես պետք է ընտրություն կատարեմ, հակառակ դեպքում, եթե շատ ժամանակ անցնի, ես կհարմարվեմ այն մտքին, որ կարող եմ գլուխ հանել առանց գրասենյակի ղեկավարի, ուստի ես պետք է որոշում կայացնեմ», - ասել է Զելենսկին։
Նա որպես թեկնածուներ ներկայացրել է պաշտպանության նախարար Դենիս Շմիգալին, ՊՆ գլխավոր հետախուզական վարչության ղեկավար Կիրիլո Բուդանովին, արտաքին գործերի նախարարի առաջին տեղակալ Սերգեյ Կիսլիցային, գրասենյակի ղեկավարի տեղակալ Պավլո Պալիսային և առաջին փոխվարչապետ Միխայիլ Ֆեդորովին, նշելով, որ յուրաքանչյուրի դեպքում կա որոշակի խնդիր։
Հիշեցնենք՝ Ուկրաինայի ազգային հակակոռուպցիոն բյուրոն (NABU) և կոռուպցիայի դեմ պայքարի մասնագիտացված դատախազությունը (SAPO) խուզարկություններ են վարել Անդրեյ Երմակի տանը։ Նույն օրը Զելենսկին հայտնել է, որ Երմակը հրաժարական է ներկայացրել, իսկ ավելի ուշ ստորագրել է նրան աշխատանքից ազատելու մասին հրամանագիրը։
