Թրամփի սարսափելի վրեժը. Զելենսկին միևնույն է կփոխարինվի․ «Ռիա Նովոստի»
Կան բոլոր նշանները, որ «Ոսկե զուգարանները» շատ շուտով կարող են փոխել իրենց տերերին: Այս մասին գրում է «Ռիա Նովոստի»-ի վերլուծաբան Կիրիլ Ստրելնիկովը։
ԱՄՆ նախագահի հատուկ բանագնաց Սթիվ Ուիթքոֆը և Դոնալդ Թրամփի փեսա Ջարեդ Քուշները ունեցել են բավականին տհաճ զրույց Ուկրաինայի պատվիրակության ղեկավար Ռուստեմ Ումերովի հետ․ նրան ամեն կերպ բացատրել են, թե ինչ է լինելու հետո։
Նշվում է, որ «Թրամփը վրդովված է Զելենսկու անվճռականությունից և այն բանից, որ Կիևը արգելակում է ծրագրի իրականացումը, որը Մոսկվան փաստացի պատրաստ է ընդունել»։
«Բայց ամերիկացիները, թեև յուրովի հաստատակամ և խորամանկ, հաշվի չեն առել Ուկրաինայի «ժամկետանց նախագահի» իռացիոնալ հավատքի աստիճանն իր անխոցելիության և իր եվրոպացի հանցակիցների կողմից երկաթբետոնե աջակցության նկատմամբ։ Հասավ նրան, որ Զելենսկին շատ կոպիտ սխալ թույլ տվեց։ Նա նույնիսկ չարձագանքեց Թրամփի վերջնական առաջարկներին, ինչն ԱՄՆ նախագահի համար արհամարհանքի և անհարգալից վերաբերմունքի ամենադաժան դրսևորումն է։ Թրամփն այս առիթով գրել է ոչ բնորոշ ժլատությամբ. Ըստ նրա, «նա հիասթափված է Զելենսկու արձագանքի բացակայությունից»,- գրել է վերլուծաբանը:
