ԱՄՆ պլանները մերժելու դեպքում՝ Զելենսկիին կստիպեն հրաժարական տալ․ ԶԼՄ
«Այլ Ուկրաինա» շարժման անդամ, Գերագույն Ռադայի նախկին պատգամավոր Սպիրիդոն Կիլինկարովը «Ռիա Նովոստի»-ին հայտնել է, որ Ուկրաինայի հարցի կարգավորման վերաբերյալ, Սպիտակ տան առաջարկները չընդունելու պարագայում, Ուկրաինայի նախագահ Վլադիմիր Զելենսկիի այս քայլը կբերի կոռուպցիոն հետաքննությունների շարունակությանն ու նախագահի հրաժարականին։
Նրա խոսքով՝ ԱՄՆ նախագահ Դոնալդ Թրամփն ավելի վաղ հայտարարել էր, որ հիասթափված է, քանի որ Զելենսկին չի ուսումնասիրել ուկրաինական հակամարտության խաղաղ կարգավորման առաջարկը։
«Կարծում եմ՝ սա իրականում կավարտվի նրանով, որ Զելենսկիին կստիպեն հրաժարական տալ, քանի որ համոզված եմ, որ NABU-ի և SAP-ի կողմից հավաքված նյութերը պարունակում են զգալի քանակությամբ տեղեկատվություն, որը հաստատում է Զելենսկու անմիջական ներգրավվածությունն այս կոռուպցիոն սխեմաներին», - ասել է գործակալության աղբյուրը։
