Ես չէ, որ պետք է մեկնաբանեմ Արամ Ա կաթողիկոսի խոսքերը․ վարչապետի խոսնակ

Մեծի Տանն Կիլիկիո Արամ Ա կաթողիկոսը հանդես է եկել ուղերձով՝ կոչ անելով հեռու մնալ եկեղեցին պառակտելու ազգակործան փորձերից։

«Հայաստանի իշխանությանը կոչ ենք անում հեռու մնալ Սուրբ Էջմիածնի ներքին կյանքին ու խնդիրներին միջամուխ լինելուց, ինչպես նաև եկեղեցու ներսում տարբեր միջոցներով պառակտման սերմեր ցանելու հակասահմանադրական, հետևաբար՝ անընդունելի և դատապարտելի քայլերից, որոնք կարող են մեր եկեղեցին, ազգը և Հայրենիքը տանել ինքնակործանման»,- նշված է Արամ Ա կաթողիկոսի կոչում։

Վարչապետի մամուլի խոսնակ Նազելի Բաղդասարյանից Aysor.am-ը հետաքրքրվել է, թե ինչպե՞ս են մեկնաբանում այս կոչը։

«Ես չէ, որ պետք է մեկնաբանեմ Արամ Ա կաթողիկոսի խոսքերը։ Դիմեք Մայր Աթոռին, թող այնտեղից մեկնաբանեն»,- պատասխանել է վարչապետի մամուլի խոսնակ Նազելի Բաղդասարյանը։