ԵՄ-ում կոռուպցիոն սկանդալը կարող է սրել Կալլասի և Ֆոն դեր Լեյենի հարաբերությունները

ԵՄ-ում կոռուպցիոն սկանդալը կարող է սրել Եվրոպական Միության դիվանագիտության ղեկավար Կայա Կալլասի և Եվրոպական հանձնաժողովի նախագահ Ուրսուլա ֆոն դեր Լեյենի միջև արդեն իսկ լարված հարաբերությունները, հաղորդում է Politico-ն։

Հրապարակումը ընդգծում է, որ ֆոն դեր Լեյենը, որի թափանցիկությունն արդեն կասկածի տակ է դրվել, ստիպված կլինի միջոց գտնել՝ հաղթահարելու իր Եվրահանձնաժողովի նախագահության սկզբում եվրոպացի պաշտոնյաների հետ կապված սկանդալը։

Politico-ի աղբյուրը հայտնել է, որ ԵՄ-ում ֆոն դեր Լեյենի դեմ հանդես եկող ուժերը կփորձեն օգտագործել սկանդալը նրա դեմ։

Ավելի վաղ Եվրոպական դատախազությունը (EPPO) հաստատել էր ԵՄ դիվանագիտական ​​ծառայության գլխամասային գրասենյակում խուզարկությունները և երեք անձանց ձերբակալությունը՝ ԵՄ-ի կողմից ֆինանսավորվող երիտասարդ դիվանագետների համար նախատեսված ուսումնական ծրագրի հետ կապված ենթադրյալ խարդախության հետաքննության շրջանակներում։