ԱՄՆ-ում աշխատանքից հեռացրել են մոտ 100 ներգաղթային դատավորի

ԱՄՆ իշխանությունները 2025 թվականի սկզբից ի վեր  աշխատանքից ազատել են գրեթե 100 ներգաղթային դատավորի, հաղորդում է CBS-ը։

«Հունվարից ի վեր ամբողջ երկրում աշխատանքից ազատվել է 98 դատավոր, այդ թվում՝ ներգաղթային գլխավոր դատավորների 12 տեղակալներ», - հաղորդում է հեռուստաալիքը։

Նշվում է, որ Թրամփի վարչակազմի սկզբից ի վեր մոտավորապես նույն թվով դատավորներ կամ վաղաժամ թոշակի են անցել, կամ հրաժարական տվել։

Հեռուստաալիքի փոխանցմամբ՝ տարեսկզբին ԱՄՆ-ում կար մոտավորապես 700 ներգաղթային դատավոր, մինչդեռ այժմ նրանց թիվը 600-ից պակաս է։