Ուր կմեկնի Ուիթքոֆը Պուտինի հետ հանդիպումից հետո
ԱՄՆ նախագահի դեսպան Սթիվ Ուիթքոֆը և ամերիկացի առաջնորդի փեսան՝ Ջարեդ Քուշները, Մոսկվայում Ռուսաստանի նախագահ Վլադիմիր Պուտինի հետ բանակցություններից հետո կմեկնեն եվրոպական երկրներից մեկը, որտեղ նախատեսված է նրանց հանդիպումը Վլադիմիր Զելենսկիի հետ: Այս մասին հայտնում է Axios-ի լրագրող Բարաք Ռավիդը՝ առանց բացահայտելու այս տեղեկատվության աղբյուրը, փոխանցում է ՌԻԱ «Նովոստին»:
«Նախագահ Թրամփի խորհրդականներ Սթիվ Ուիթքոֆը և Ջարեդ Քուշները Կրեմլում կհանդիպեն Ռուսաստանի նախագահ Վլադիմիր Պուտինի հետ։
Նրանք, ինչպես սպասվում է, Մոսկվայից կմեկնեն եվրոպական երկրներից մեկը և կհանդիպեն Վլադիմիր Զելենսկիի հետ»,-գրել է լրագրողը իր սոցցանցերի էջում։
