Պուտինի վերջին հայտարարությունները չեն մատնանշում պատերազմի ավարտի ցանկություն. Ուկրաինայի ԱԳՆ ղեկավար

Ուկրաինայի արտաքին գործերի նախարար Անդրի Սիբիգան մեկնաբանել է ՌԴ նախագահի վերջին հայտարարությունները՝ շեշտելով, որ դրանք որևէ կերպ չեն հուշում պատերազմի ավարտի պատրաստակամության մասին։

«Երեկ նա հայտարարեց, որ պատրաստ է շարունակել պատերազմը ամբողջ ձմեռվա ընթացքում։ Այսօր նա սպառնում է ծովային նավահանգիստներին և ազատ նավագնացմանը»,- նշել է Սիբիգան։

Նախարարը ընդգծել է, որ Կիևը շարունակում է աջակցել ԱՄՆ նախաձեռնած ջանքերին և ակտիվորեն աշխատում է ինչպես Վաշինգտոնի, այնպես էլ եվրոպական գործընկերների հետ՝ արդար և կայուն խաղաղություն հաստատելու ուղղությամբ։