Եպիսկոպոսները պահանջում են Արշակ Խաչատրյանի հեռացումը. Տ. Նարեկ եպիսկոպոս Ավագյանը չի պատրաստվում ստորագրել
Այսօր մի խումբ եպիսկոպոսներ և արքեպիսկոպոսներ հայտարարություն են տարածել՝ պահանջելով Տ. Արշակ արքեպիսկոպոս Խաչատրյանի հեռացումը Մայր Աթոռից։ Նշված եպիսկոպոսների շարքում ընդգրկված է նաև Արթիկի թեմի առաջնորդ Գերաշնորհ Տ. Նարեկ եպիսկոպոս Ավագյանի անունը, սակայն նրա ստորագրությունը բացակայում է։
Radar Armenia-ն դիմել է Տ. Նարեկ եպիսկոպոս Ավագյանին՝ պարզաբանելու, թե ինչու է իր անունը ներառված հայտարարության մեջ, երբ ստորագրությունը չկա։
Եպիսկոպոսը նշել է, որ ինքն այդ փաստաթուղթը չի ստորագրել և չի պատրաստվում ստորագրել՝ ընդգծելով. «Իմ անվան դիմաց բաց է՝ չեմ ստորագրել»։
Ինչ վերաբերում է իր անվան հայտնվելուն ցանկում, Տ. Նարեկ եպիսկոպոս Ավագյանը նշել է, որ տեղեկություն չունի։
