Ամբարտավան, հարուստ և տգեղ․ Մբապեի հասցեին հնչել են սուր մեղադրանքներ

Պարագվայցի սենատոր Սելեստե Ամարիլյան կոշտ քննադատության է ենթարկել Ֆրանսիայի հավաքականի հարձակվող Կիլիան Մբապեին՝ Աշխարհի առաջնության 1/8 եզրափակչում թիմերի խաղից հետո Պարագվայի հավաքականի դարպասապահ Օռլանդո Հիլի հետ ձեռք չսեղմելու համար։

«Գաղութացված կամերունցի, որը զգուշորեն ձևանում էր, թե ֆրանսիացի է։ Ամբարտավան, հարուստ և տգեղ։ Նա աներևակայելիորեն նյարդային և սարսափած էր ամբողջ խաղի ընթացքում, ինչպես նաև նրա ամբողջ թիմը. նրանք նույնիսկ գոլ չխփեցին՝ հաղթելով զուտ պատահականությամբ։

Մեր թիմին կարելի է մեղադրել միայն նրանում, որ եզրափակիչ սուլիչից հետո ոչ ոք նրան ապտակ չհասցրեց։ Սա չնայած այն հանգամանքին, որ ես ֆուտբոլի երկրպագու չեմ», - գրել է Պարագվայցի սենատոր Սելեստե Ամարիլյան։

Հիշեցնենք, որ Մբապեն հրաժարվել էր ձեռք սեղմել պարագվայցի դարպասապահի ձեռքը, ինչից հետո վերջինս գնդակը նետել էր նրա մեջքին: