ՆԱՏՕ-ն պետք է նվազեցնի կախվածությունը ԱՄՆ-ից․ Ֆոն դեր Լայեն և Ռյուտե

«Տրանսատլանտյան միասնությունը պահպանելու համար մենք պետք է ավելի եվրոպական դառնանք», - Անկարայում կայանալիք ՆԱՏՕ-ի գագաթնաժողովից առաջ հայտարարել է Մարկ Ռյուտեն, որտեղ եվրոպացի դաշնակիցները պատրաստվում են ներկայացնել ռազմական ծախսերի ավելացման իրենց ծրագրերը։

ՆԱՏՕ-ն պետք է դառնա ավելի եվրոպական՝ ամերիկյան անվտանգության հովանոցից երկարամյա կախվածությունը նվազեցնելու նպատակով։ Այդ մասին երեքշաբթի օրը հայտարարել են Ուրսուլա ֆոն դեր Լեյենը և Մարկ Ռյուտեն, երբ դաշինքի անդամները հավաքվել էին Անկարայում՝ մասնակցելու իրենց ամենամյա գագաթնաժողովին։

«Մենք երկուսս էլ գիտենք, թե որքան կարևոր է Եվրոպական Միության և ՆԱՏՕ-ի միջև սերտ համագործակցությունը», - արդյունաբերական ֆորումում, գագաթնաժողովի նախօրեին, Դաշինքի գլխավոր քարտուղարի հետ համատեղ ելույթի ընթացքում ասել է Եվրոպական հանձնաժողովի նախագահը։ « Սակայն որպեսզի դա հնարավոր լինի, մեզ անհրաժեշտ է համատեղելիություն »։

Ռյուտեն կրկնել է ֆոն դեր Լեյենի միտքը՝ ընդգծելով երկու կազմակերպությունների միջև « աշխատանքի հստակ բաժանումը »։ Նրա խոսքով՝ ՆԱՏՕ-ն պատասխանատու է հրամանատարական կառուցվածքների, կարողությունների և չափորոշիչների համար, իսկ ԵՄ-ն՝ արդյունաբերության, ներդրումների և կարգավորման։

Եվրամիության 27 անդամ երկրներից 23-ը նաև ՆԱՏՕ-ի անդամ են։

«Մենք չենք կարող շարունակել նախկինի պես՝ չափազանց կախված լինելով Միացյալ Նահանգներից։ Մեզ անհրաժեշտ է շատ ավելի ուժեղ Եվրոպա՝ ավելի ուժեղ ՆԱՏՕ-ի շրջանակներում », - հայտարարել է Ռյուտեն՝ ԵՄ-ի և ՆԱՏՕ-ի միջև ավելի սերտ համագործակցության արդյունքում ընթացող վերափոխումն անվանելով « աննախադեպ »