Գրենլանդիան պետք է լինի ԱՄՆ-ի, ոչ թե Դանիայի վերահսկողության տակ. Թրամփ

ԱՄՆ նախագահ Դոնալդ Թրամփը հայտարարել է, որ Գրենլանդիան պետք է գտնվի ոչ թե Դանիայի, այլ Միացյալ Նահանգների վերահսկողության տակ՝ ընդգծելով կղզու ռազմավարական նշանակությունը ԱՄՆ-ի համար։

«Դանիան գործնականում գրեթե ոչինչ չի ծախսում Գրենլանդիային իրականում օգնելու համար, մինչդեռ այն չափազանց կարևոր նշանակություն ունի Միացյալ Նահանգների համար», - ասել է Թրամփը։

Նրա խոսքով՝ Գրենլանդիայի շուրջ ակտիվորեն գործում են Չինաստանի և Ռուսաստանի նավերը, ինչը, ըստ Թրամփի, ավելի է մեծացնում կղզու անվտանգային և ռազմավարական կարևորությունը։

«Գրենլանդիան պետք է գտնվի Միացյալ Նահանգների, այլ ոչ թե Դանիայի վերահսկողության տակ», - ընդգծել է ԱՄՆ նախագահը։