ՌԴ-ում վառելիքի ճգնաժամը խորանում է․ կառավարությունը նոր միջոցներ է ձեռնարկում

Ռուսաստանի ներքին վառելիքի շուկայում իրավիճակը շարունակում է լարված մնալ՝ պայմանավորված ամառային պահանջարկի գագաթնակետով և նավթավերամշակման գործարաններում իրականացվող չնախատեսված վերանորոգումներով։ Այս մասին կառավարության իրավիճակային կենտրոնում անցկացված խորհրդակցության ընթացքում հայտարարել է ՌԴ փոխվարչապետ Ալեքսանդր Նովակը, հաղորդում է «ՏԱՍՍ»-ը։

«Ընթացիկ իրավիճակը, հաշվի առնելով ամառային պահանջարկի գագաթնակետը և նավթավերամշակման գործարանների չնախատեսված վերանորոգումները, շարունակում է լարված մնալ», - նշել է Նովակը։

Նրա խոսքով՝ Ռուսաստանի կառավարությունը քննարկում է ներքին շուկան նավթամթերքներով առավել արդյունավետ ապահովելու լրացուցիչ միջոցներ։

«Կվերլուծենք արտադրության և սպառման հաշվեկշիռն, ավելի վաղ տրված հանձնարարականների կատարումը, ինչպես նաև կքննարկենք նավթամթերքներով շուկան հագեցնելու լրացուցիչ քայլերը», - ասել է փոխվարչապետը։