2029թ.-ին բնակչության մեծ մասը կօգտվի առողջապահության ապահովագրությունից. Անահիտ Ավանեսյան
Ազգային ժողովի առողջապահության հարցերի մշտական հանձնաժողովի նիստում առողջապահության նախարար Անահիտ Ավանեսյանը հայտարարել է, որ 2029 թվականին Հայաստանի բնակչության մեծ մասին նախատեսվում է ընդգրկել առողջապահության ապահովագրության համակարգում։
Նախարարի խոսքով՝ համընդհանուր ապահովագրության ընդգրկումը նախատեսված է 284 հազար մարդու համար, ովքեր ստանում են 200 հազար դրամ և ավելի աշխատավարձ։ Նրա ներկայացմամբ՝ հաշվարկված բյուջեն մոտ 36 մլրդ դրամ է։
Ավանեսյանը նշել է, որ պետության կողմից ապահովագրվողներից 700 հազարը երեխաներ են, 480 հազարը՝ 65 և ավելի տարիքի անձինք, իսկ 150 հազարը՝ հաշմանդամություն ունեցող և սոցիալապես անապահով մարդիկ։
