Շատ եք լոճվել, ձեր չափը ճանաչեք. Տիգրան Ավինյանը՝ ընդդիմադիրներին
Երևանի ավագանու նիստում կրքերը լարվեցին, երբ «Մայր Հայաստան» խմբակցության անդամները տեղից սկսեցին խանգարել «Հանրային ձայն»-ի ներկայացուցիչ Արտակ Գալստյանի ելույթին։
Իրավիճակին միջամտեց քաղաքապետ Տիգրան Ավինյանը՝ նախազգուշացում հայտարարելով ավագանու անդամներին։
«Շարունակեք ոգևորվել, ժողովուրդ ջան, նախազգուշացումները կանցնեն այլ մակարդակներ։ Երբ ասում եմ՝ շատ եք լոճվում, ճիշտ եմ ասում։ Այ, ձեր լայնքը կնեղացնենք, որովհետև դուք ձեր լեզվի ելևէջները մեկ-մեկ խառնում եք։ Մեր համեստությունը, զսպվածությունը խառնում եք այլ բաների հետ»,- ասաց Ավինյանը՝ զգուշացնելով ռեպլիկ անողներին.
«Էսքան ժամանակ ինքնադրսևորվել եք, հիմա լռեք և ուշադիր լսեք. ձեր չափերը ճանաչեք, ու սա ձեր վերջին նախազգուշացումն է»։
