Դատավոր Արթուր Ադամյանը խիստ նկատողություն է ստացել Բարձրագույն դատական խորհրդից
Բարձրագույն դատական խորհուրդը քննել է Դատավորների ընդհանուր ժողովի էթիկայի և կարգապահական հարցերի հանձնաժողովի միջնորդությունը՝ Արմավիրի մարզի առաջին ատյանի ընդհանուր իրավասության դատարանի դատավոր Արթուր Ադամյանին կարգապահական պատասխանատվության ենթարկելու վերաբերյալ, և ընդունել է դրական որոշում։
Դատավոր Արթուր Ադամյանին հայտարարվել է խիստ նկատողություն։ Որոշումն ուժի մեջ է մտնում հրապարակման պահից և համարվում է վերջնական։
Նշվում է նաև, որ ԲԴԽ անդամներ Կարեն Թումանյանն ու Երանուհի Թումանյանցը համաձայն չեն եղել կիրառվող տույժի տեսակի հետ և կողմ են քվեարկել դատավորի լիազորությունների դադարեցման տարբերակին։
