Կիրկորովից ուզում են բռնագանձել 12 մլն ռուբլի՝ վարկային պարտքի պատճառով

Ռուսաստանի վաստակավոր արտիստ Ֆիլիպ Կիրկորովից ցանկանում են բռնագանձել 12 մլն ռուբլի վարկային պարտքի պատճառով։ Այս մասին հայտարարել է նրա ներկայացուցիչ Իգոր Կուզմինը՝ պարզաբանելով, որ իրավիճակը կապված է բանկի ղեկավարության փոփոխության հետ։

Կուզմինի խոսքով՝ Կիրկորովը պայմանավորվածություն էր ձեռք բերել բանկի նախորդ ղեկավարների հետ, ըստ որի՝ պարտքի դիմաց նա պետք է 2022 թվականին հանդես գար ամանորյա կորպորատիվ միջոցառման ընթացքում։ Սակայն, ինչպես նշում է ներկայացուցիչը, բանկում ղեկավարությունը փոխվելուց հետո այդ պայմանավորվածությունը չեղարկվել է, իսկ նոր ղեկավարությունը պահանջում է պարտքի ամբողջական մարմանը։

Իրավիճակը ներկայումս գտնվում է իրավական քննարկման փուլում, և կողմերը փորձում են լուծում գտնել սկանդալային իրավիճակի շուրջ։