Կիևում գիշերային հարձակման հետևանքով կան զոհեր և տուժածներ
Կիևում գիշերային հարձակման հետևանքով, նախնական տեղեկատվությամբ, կա 3 զոհ և 26 տուժած։ Այս մասին հայտնել է քաղաքի քաղաքապետ Վիտալի Կլիչկոն՝ նշելով, որ տվյալները ճշտվում են, քանի որ փրկարարներն առայժմ չեն կարողանում դին դուրս բերել փլատակների տակից։
Տուժածների թվում են 7 և 10 տարեկան երկու երեխա։ Ըստ պաշտոնական տվյալների՝ 9 վիրավոր հոսպիտալացվել է, այդ թվում՝ նաև հղի կին։ Բժիշկները տուժածների վիճակը գնահատում են տարբեր ծանրության։
Փրկարար ծառայությունները շարունակում են աշխատանքները դեպքի վայրում՝ փլատակների տակ հնարավոր մարդկանց որոնման նպատակով։ Քաղաքի իշխանությունները հորդորում են բնակիչներին պահպանել անվտանգության կանոնները և հետևել պաշտոնական տեղեկություններին։
