Հունգարիայի համար դժվար է հրաժարվել ռուսական նավթից. Թրամփ
ԱՄՆ նախագահ Դոնալդ Թրամփը Սպիտակ տանը տեղի ունեցած հանդիպման ժամանակ հայտարարել է, որ Հունգարիային դժվար է հրաժարվել ռուսական նավթի և գազի մատակարարումներից՝ իր աշխարհագրական դիրքի պատճառով։ Թրամփի խոսքով՝ երկրի՝ ծովի ելք չունենալը մեծացնում է էներգետիկ կախվածությունը։
«Վիկտոր Օրբանի համար բարդ է նավթ և գազ ստանալ այլ տարածաշրջաններից։ Հունգարիան մեծ երկիր է, սակայն չունի ծովային նավահանգիստներ, և դա լուրջ խնդիր է նրանց համար»,– նշել է Թրամփը՝ Հունգարիայի վարչապետ Վիկտոր Օրբանի հետ հանդիպման ընթացքում։
Ավելի վաղ՝ հոկտեմբերի վերջին, Թրամփը հայտնել էր, որ Օրբանը խնդրել է բացառել Հունգարիան ռուսական նավթի նկատմամբ սահմանված պատժամիջոցներից։ ԱՄՆ նախագահը նշել էր, որ հարցը դեռ քննարկման փուլում է։ Օրբանի խոսքով՝ Բուդապեշտը փորձում է համոզել Վաշինգտոնին, որ իր աշխարհագրական դիրքը պահանջում է հատուկ մոտեցում էներգակիրների ներմուծման հարցում։
