Վարդան Ղուկասյանը հանդես է եկել հայտարարությամբ

Դեմոկրատիա, օրենք, կարգապահություն  կուսակցության պատվավոր նախագահ Վարդան Ղուկասյանը, գտնվելով ԱՄՆ-ում, հայտարարությամբ է հանդես եկել՝ տեղեկացնելով, որ իր բոլոր լիազորությունները փոխանցում է փաստաբան Լևոն Բաղդասարյանին։

Հայտարարության մեջ Ղուկասյանը նշել է, որ, չնայած վարչական կալանքի պայմաններին, շարունակում է ստանալ բազմաթիվ նամակներ և արձագանքներ տարբեր երկրներից, ինչը, նրա խոսքով, վկայում է կուսակցության գաղափարական շարժման աճի մասին։

Նա ընդգծել է, որ Լևոն Բաղդասարյանին վստահում է իր և կուսակցության շահերի ներկայացման բացառիկ իրավունք, ինչպես նաև հայտնել է, որ նա կղեկավարի նախընտրական շտաբը։

Ղուկասյանը հայտարարել է, որ ԴՕԿ կուսակցությունը, իր գլխավորությամբ, ունի լայն հանրային վստահություն և ձայների առավելություն մյուս քաղաքական ուժերի համեմատ։ Նա կրկին կոչ է արել քաղաքական առողջ ուժերին միավորվել՝ հանուն պետության և ժողովրդի, և մինչև 2025 թվականի դեկտեմբերի 1-ը միանալ համահայկական շարժմանը։

Նրա խոսքով՝ դեկտեմբերի 1-ից հետո կհրապարակվեն ԴՕԿ կուսակցության 131 պատգամավորական միասնական թեկնածուների ցուցակը, կառավարության կազմը և նախագահի թեկնածուն։

Հավելենք՝ Դեմոկրատիա, օրենք, կարգապահություն կուսակցությունը առաջիկա ընտրություններին մասնակցելու է դաշինքով։