Թրամփը չի դիտարկում Ուկրաինային «Tomahawk» հրթիռներ տալը
ԱՄՆ նախագահ Դոնալդ Թրամփը հայտարարել է, որ այս փուլում չի դիտարկում Ուկրաինային «Tomahawk» հեռահար հրթիռներ տրամադրելու հնարավորությունը։
«Ոչ, իրականում ոչ»,- պատասխանել է Սպիտակ տան ղեկավարը՝ մեկնաբանելով նման մատակարարումների հավանականությունը։ Միևնույն ժամանակ, Թրամփը հավելել է, որ ապագայում կարող է փոխել իր դիրքորոշումը։
Ավելի վաղ CNN-ը, հղում կատարելով իր աղբյուրներին, հայտնել էր, որ Փենթագոնը թույլ է տվել Սպիտակ տանը «Tomahawk» տեսակի հրթիռներ փոխանցել Ուկրաինային։ Այս տեղեկությունը առաջացրել էր լայն քննարկումներ Վաշինգտոնում և ՆԱՏՕ-ի շրջանակներում՝ կապված Ռուսաստանի արձագանքի հավանականության հետ։
