ԱՄՆ-ում նշել են Ուկրաինայի հարցով հատուկ տրիբունալի ստեղծման մասին

Ամերիկայի Միացյալ Նահանգները կողմ  է Ուկրաինայի հարցով հատուկ տրիբունալի ստեղծման գաղափարին։ Այս մասին հայտարարել է ԱՄՆ Պետդեպարտամենտի մամուլի ծառայության ղեկավարի տեղակալ Վեդանտ Պատելը։
 

Նրա խոսքով՝ հատուկ տրիբունալը կստեղծվի միջազգային դատարանի տեսքով, որը հիմնված է Ուկրաինայի դատական համակարգի վրա և ներառում է միջազգային տարրեր։

«Մենք ենթադրում ենք, որ նման դատարանը կունենա զգալի միջազգային աջակցություն, հատկապես մեր եվրոպացի գործընկերների կողմից»,- հավելել է ամերիկացի դիվանագետը՝ հույս հայտնելով, որ այն կգործի նաև եվրոպական մեկ այլ երկրում։