Մակրոնը խոստացել է ուժեղացնել Ռուսաստանի նկատմամբ պատժամիջոցները

Ֆրանսիայի նախագահ Էմանուել Մակրոնը հայտարարել է, որ Եվրամիությունն ու նրա գործընկերները կշարունակեն ուժեղացնել ճնշումը Ռուսաստանի վրա, այդ թվում՝ նոր պատժամիջոցների միջոցով։

«Կիևում և մարզում Ռուսաստանը կրկին թիրախավորել է խաղաղ բնակիչներին։ Հրթիռներով և անօդաչու սարքերով իրականացվող ահաբեկչության այս քաղաքականությունն անընդունելի է։

Յուրաքանչյուր նոր հարձակում ևս մեկ անգամ հաստատում է ակնհայտը․ Ռուսաստանը պետք է վճարի իր ագրեսիայի գինը և պատասխան տա իր հանցագործությունների համար։ Ուկրաինայի կողքին կանգնած՝ մենք չենք ենթարկվի ո՛չ հոգնածության, ո՛չ էլ վախեցման։

Եվրամիությունն ու նրա գործընկերները կշարունակեն ուժեղացնել ճնշումը Ռուսաստանի վրա, այդ թվում՝ նոր պատժամիջոցների միջոցով՝ միաժամանակ ամրապնդելով Ուկրաինայի ռազմական աջակցությունը, որպեսզի այն կարողանա պաշտպանել իրեն և իր բնակչությանը»,– գրել է Մակրոնը X-ի իր էջում։